Hjálmar og Birkir leggja til atlögu við Sturlu

Í fyrradag var lögð fram á Alþingi þingsályktunartillaga þeirra Framsóknarþingmanna Hjálmars Árnasonar og Birkis Jónssonar um endurskoðun á gjaldskrám ferja.  Hún felur í sér að kostnaður farþega við að sigla með ferjum á staði utan þjóðvegakerfisins verði sambærilegur við akstur á vegum.  Gert er ráð fyrir að þeirri endurskoðun verði lokið fyrir 1. maí á þessu ári.

Þetta er gott framtak hjá þeim Hjálmari og Birki og gott innlegg í hagsmunabaráttu Eyjamanna.  Þá er að vona að Sjálfstæðismenn sjái sóma sinn í að hleypa þessu máli í gegn svo hægt verði að klára það fyrir kosningar.